TURNIP டர்னிப் (500GM)

Be the First to Review
Description

டர்னிப் பற்றி தெரிந்து கொள்வோம்

டர்னிப் பிரபலமான வேர்பகுதியிலிருந்து கிடைக்கும் கிழங்கு வகை காயாகும். இக்காய் மனிதர்களுக்கான உணவாகவும், கால்நடைத் தீவனமாகவும் உலகளவில் பிரபலமானது.

சுமார் இரண்டாயிரம் ஆண்டுகளுக்கு முன்பே இக்காய் உணவுக்காக பயன்படுத்தப்பட்டுள்ளது.

இது பிராசிகாசியா என்ற தாவரக் குடும்பத்தைச் சார்ந்தது. முட்டைக்கோஸ், காலே, பிரவுஸ் ஆகியோர் இதன் உறவினர்கள் ஆவர்.

டர்னிப்பின் தாவரவியல் பெயர் ப்ராசிகா ரப்பா என்பதாகும். இது மிதவெப்ப மண்டலத்தில் நன்கு செழித்து வளரும் வளரியல்பினை உடையது. இதன் தாயகம் வடக்கு ஐரோப்பா எனக் கருதப்படுகிறது.

இளமையான இனிப்பான டர்னிப்புகள் மனிதர்களுக்கு உணவாகவும், விளைந்த டர்னிப்புகள் கால்நடை தீவனமாகவும் பயன்படுத்தப்படுகிறது.

டர்னிப்பின் கிழங்கும், இலைகளும் அதிக சத்துக்களைக் கொண்டுள்ளன. ஆசியா, அமெரிக்க, ஐரோப்பிய நாடுகளில் டர்னிப்பின் இலைகள் உண்ணப்படுகின்றன.

கிரேக்க மற்றும் ரோமானிய நாகரிகங்களில் இக்காய் பயன்பாட்டில் இருந்ததாக வரலாற்றுக் குறிப்புகள் கூறுகின்றன.

டர்னிப் ஈராண்டுகள் வாழும் தாவர வகையைச் சார்ந்தது. முதல் ஆண்டில் ஸ்டார்சினை தனது வேர்ப் பகுதியில் சேகரித்து வைத்துக் கொள்கிறது.

இரண்டாவது ஆண்டில் மஞ்சள் நிற உயரமான பூக்களைத் தோற்றுவிக்கிறது. பின் அதிலிருந்து பட்டாணியைப் போன்ற காயினைக் காய்த்து விதைகளை உற்பத்தி செய்கிறது. விதைகள் உற்பத்திக்குப் பின் இச்செடியானது மடிந்து விடுகிறது.