Betel Leaves Vetrilai (1 KAVULI)

Be the First to Review
6895 ( 28.42% OFF)
Delivery
Enter pincode for exact delivery dates and charge
Safe and Secure payments.100% Authentic products
Description
வெற்றிலை வயதானவர்கள் வீட்டில் உட்கார்ந்து கொண்டு பொழுது போகாமல் வாயில் போட்டு மென்று தின்பது என்று நாம் நினைத்துக் கொண்டிருக்கிறோம். ஆனா்ல நம் முன்னோர்கள் எதையுமே காரணமில்லாமல் செய்யவில்லை என்பது தான் உண்மை. வெற்றிலையை மென்று தின்பதால் விறைப்புக் கோளாறு முதல் இன்னும் சில நோய்களும் சேர்ந்து தீருமாம். அதுபற்றி இந்த தொகுப்பில் விளக்கமாகப் பார்த்துத் தெரிந்து கொள்ளுங்கள்.

​வெற்றிலை

பொதுவாக வெற்றிலையை நல்ல சாப்பாட்டுக்குப் பின் நாம் உண்பதை வழக்கமாகக் கொண்டுள்ளோம். நாம் அனைவரும் அறிந்தது என்னவென்றால் வெற்றிலை போட்டால் வாய் மணக்கும். நல்ல மதிய உணவு விருந்துக்குப் பின் வெற்றிலை பரிமாறுவதைப் பாரம்பரியமாகக் கொண்டுள்ளோம். நாம் அனைவரும் நினைத்து என்னவென்றால் வெற்றிலை புத்துணர்ச்சிக்காக மட்டுமே உபயோகம் செய்யப்படுகிறது என்று. ஆனால் அதையும் மீறி பல நம்ப முடியாத நல்ல விஷயங்கள் வெற்றிலையில் உள்ளது என்பதை நாம் பலரும் அறியவில்லை. முன் காலத்தில் கோவில் பூஜைகள் முதல் மருந்துகள் வரை வெற்றிலையை பல விதமாக உபயோகித்து வந்துள்ளோம் அதில் முக்கியமான 7 முக்கிய அம்சங்களைப் பற்றி இப்பொழுது பார்க்கலாம்.

​காயத்திற்குச் சிறந்த மருந்து

வெற்றிலை அடிபட்ட உடல் காயத்திற்குச் சிறந்த மருந்தாக விளங்குகிறது. காயம் விரைவாகக் குணமடைய வெற்றிலை பெரிதும் உதவுகிறது. வெற்றிலையில் ஆன்டி-ஆக்ஸிடன்ட்டுகள் உள்ளதால் வழக்கத்தைவிட அதிகமாகக் காயம் குறைய உதவுகிறது.தினமும் வெற்றிலை சாப்பிடுவதால் வெளியில் உள்ள புண்களும் மற்றும் வயிற்றுப் புண்களும் ஆற உதவுகிறது.

​மூட்டு வலியிலிருந்து நிவாரணம்

வெற்றிலை ஒரு சக்தி வாய்ந்த கிருமி நாசினியாகவும் செயல்படுகிறது அது நமது மூட்டுவலியைச் சுலபமாகக் குறைத்துவிடுகிறது.வெற்றிலையைச் சாறாக அரைத்து வலி இருக்கும் மூட்டுப் பகுதியில் தினமும் தடவி வந்தால் ஒரு சில நாட்களிலேயே கவனிக்கத்தக்க மாற்றம் நிகழும். இதில் எந்தவித பக்கவிளைவுகளும் இல்லாததால் அனைவரும் தாராளமாக உபயோகிக்கலாம்.

​அஜீரண கோளாற்றைச் சரி செய்கிற

வெற்றிலை வயிறு மற்றும் அஜீரண கோளாற்றைச் சரி செய்யப் பெரிதும் உதவுகிறது. வெற்றிலையில் இயற்கையாக உள்ள வேதிப்பொருட்கள், பெருங்குடல் காற்று நீக்கியாகச் செயல்படுகிறது. தேவையற்ற ஏப்பம் போன்றவற்றைச் சரி செய்கிறது. மேலும் இரைப்பையில் உள்ள உடலில் வலிகளை நீக்க உதவுகிறது. மேலும் உணவில் உள்ள முக்கியமான உயிர்ச்சத்துகள், மினரல்களை விரைவாக நம் உடலுக்குத் தரும் குணம் உள்ளது. வெற்றிலை மிகவும் நன்மை விளைவிக்கும்.

​சுவாச துர்நாற்றத்தைச் சீர்செய்கிறது

வெற்றிலையில் ஆண்டி பாக்டீரியா நிறைந்துள்ளதால் உடலில் உள்ள பாக்டீரியாக்களை அழித்து சுவாசப் புத்துணர்ச்சி பெறப் பெரிதும் உதவுகின்றது மேலும் உடலில் உள்ள பிஹெச் அளவை சரி செய்கிறது இதனால் நம் புத்துணர்ச்சிக்கு மட்டுமில்லாமல் உடலுக்கும் நல்லது.

​உடல் எடையைக் குறைக்க உதவுகிறது

வெற்றிலையில் அதிக அளவு நார்ச்சத்து உள்ளதால்,தொடர்ந்து சாப்பிட்டு வரும் போது மெட்டபாலிசத்தின் அளவை அதிகரிக்கிறது கொழுப்புச் சத்தை குறைக்க உதவும் என்பதை நாம் அனைவரும் அறிவோம். இதனால் வெற்றிலையையும் தினமும் உண்டு வந்தால் உடல் எடை சீராக வாய்ப்புகள் அதிகம். மேலும் செரிமானத்தைச் சீர் செய்வதால் தேவையற்ற உணவுகள் வயிற்றில் தங்குவதைத் தவிர்க்கலாம். சிறிது சாப்பிட்டு முடித்த பின்பு வெற்றிலை போடுவதால் வயிறு நிறைந்தது போன்ற ஒரு உணர்வை உண்டுபண்ணும். மேலும் ஆரோக்கியமாக இருக்கலாம்.

​தொண்டை வலிக்கு இதமானது

வெற்றிலையில் உள்ள ஆன்டி-பாக்டீரியல் வேதி பொருளானது தொண்டையில் உண்டாகும் புண்களைச் சரிசெய்து தொண்டை வலியிலிருந்து நிவாரணம் தருகிறது. தினமும் மூன்று முறை வெற்றிலையை அரைத்து அதன் சாற்றை விழுங்கும் பொழுது தொண்டையில் உள்ள புண்கள் விரைவாக ஆரி நிவாரணம் கிடைக்கும்.

​ஆண்களின் விரைப்புத்தன்மை பிரச்சனை

ஆயுர்வேத முறைப்படி ஆண்களின் விரைப்புத்தன்மை இப்பிரச்சினையை வெற்றிலை கொண்டு சரி செய்ய வாய்ப்பு உள்ளது. வெற்றிலையில் உள்ள வேதிப்பொருள்கள் ரத்த நாளங்களுக்குப் புத்துணர்ச்சி அளிக்கிறது. இதனால் ரத்த ஓட்டம் சீராகி ஆண்களின் விரைப்புத்தன்மை பிரச்சனை சரி ஆகிறது. தினமும் இரண்டு அல்லது மூன்று வெற்றிலையைச் சாப்பிட்டு வந்தால் இந்தப் பிரச்சனை விரைவில் குணமடையும் எனக் கூறுகிறார்கள்.

வெற்றிலையில் உள்ள இயற்கை ஆன்டி-செப்டிக் குணமானது கிருமிகளை அழிக்கவல்லது எனவே இரும்பு காயங்கள் போன்றவற்றில் வெற்றிலை சாரி ஊற்றினால் விரைவில் அந்த காயங்கள் சரியாகி விடும்.

​சுவாசக் கோளாற்றைச் சரி செய்கிறது

வெற்றிலையில் இயற்கையாக உள்ள வேதிப்பொருட்கள் மூச்சு முட்டல் போன்ற சுவாச கோளாறுகளைச் சரி செய்கிறது. மேலும் குளிர்காலத்தில் ஏற்படும் ஜலதோஷம் இருமல் போன்றவற்றிற்குப் பெருமளவில் உதவி செய்கிறது. ஆஸ்துமா போன்ற நோய்களுக்கும் வெற்றிலையைப் பயன்படுத்துகிறார்கள்.வெற்றிலையில் சிறிது கடுகு எண்ணெய் தடவிச் சூடு செய்து அதை நெஞ்சில் வைத்தால் சளி இருமல் போன்றவை குறையும். மேலும் சிறு வெற்றிலைகளைத் தண்ணீரில் போட்டு அதனுடன் சீரகம் லவங்கப் பட்டை ஆகியவை சேர்த்துச் சூடு செய்து தினமும் ஒன்று முதல் இரண்டு நேரங்கள் குடித்து வந்தால் சுவாச கோளாறுகளிலிருந்து நிவாரணம் கிடைக்கும்.